प्रश्न

                                             जवाफ

१. नयाँ नागरिकता बनाउन आउदा के-के  कागजात चाहिन्छ ?

• स्थायी बसोबास गरेको सम्बन्धित वडा कार्यालयबाट फोटो प्रमाणित सहितको अनुसूची-१ बमोजिमको ONLINE नागरिकता सिफारिस
• निवेदकको जन्म दर्ताको प्रमाण पत्र  
• बाबु/आमाको नागरिकताको प्रमाण पत्र
• शैक्षिक योग्यताको प्रमाण पत्र
• सनाखत गर्न आउने व्यक्तिको नागरिकता

२. नयाँ नागरिकता बनाउदा कति रुपैयाँको हुलाक टिकट चाहिन्छ ?

• रु. १० को हुलाक टिकट

३. सनाखत गर्न को आउनुपर्दछ ?

• सनाखतको लागि एकाघरका वा नाता खुलेको अभिभावक हुनुपर्दछ ।
• सम्भव भएसम्म बाबु वा आमाले सनाखत गर्नु पर्दछ । सो नभएमा तीन पुस्ता भित्रका बंशज खुलेका अभिभावकले सनाखत गर्न सक्दछ ।
• आमाले सनाखत गर्ने अवस्थामा आमाको नागरिकतामा पति (निवेदकको बुबा) को नाम कायम छैन भने विवाहदर्ता वा विवाह प्रमाणित समेत पेश गर्नु पदर्छ ।

४. नागरिकता बनाउन आउदा सक्कल कागजपत्र आवश्यक पर्छ कि पर्दैन ?

• आवश्यक सम्पुर्ण कागजातहरु सक्कलै पेश गर्नुपर्दछ ।

५. बसाईसराई आएपश्चात नयाँ नागरिकता बनाउँदा के-के कागजात चाहिन्छ ?

• नयाँ नागरिकता बनाउँदा आवश्यक पर्ने कागजातका अतिरिक्त
• बसाईसराई दर्ता प्रमाण पत्र
• जग्गाधनी प्रमाण पूर्जा

६. विवाह दर्ता गरी नयाँ नागरिकता बनाउनु परेमा कुन-कुन कागजात चाहिन्छ ?

• नयाँ नागरिकता बनाउँदा आवश्यक पर्ने कागजातका अतिरिक्त
• विवाहदर्ता प्रमाण पत्र
• पति स्वयम् र पतिको नागरिकता
• पति स्वयम् उपस्थित हुन नसकेमा पतिको एकाघरको सदस्य निजको नागरिकता र नाता प्रमाणित सहित उपस्थित हुनु पर्दछ ।

७. एकाघरको नातेदार बाहेक अन्य व्यक्ति सनाखत गर्न आएमा के-के कागजात पेश गर्नुपर्दछ ?

• नयाँ नागरिकता बनाउँदा आवश्यक पर्ने कागजातका अतिरिक्त
• सनाखत गर्ने व्यक्ति स्वयम् उपस्थित भई निजको नागरिकता र नाता प्रमाणित पेश गर्नुपर्दछ।

८. अविवाहित दिदी/बहिनी सनाखत गर्न आउँदा के-के कागजात पेश गर्नुपर्दछ ?

• नयाँ नागरिकता बनाउँदा आवश्यक पर्ने कागजातका अतिरिक्त
• दिदि/बहिनी स्वयम् उपस्थित भई निजको नागरिकता, नाता प्रमाणित र अविवाहित सिफारिस  पेश गर्नुपर्दछ ।

९. नयाँ नागरिकता बनाउँदा कस्तो र कतिवटा फोटो चाहिन्छ ?

• सादा पृष्ठभूमी (Background) रंग रातो अथवा धेरै गाढा नभएको,
• दुवै कान र मुखाकृति प्रष्ट रुपमा देखिएको,
• चश्मा नलगाएको,
• ढाकाटोपी र धार्मिक र सांस्कृतिक टोपी बाहेक अन्य टोपी नलगाएको,
• कुनै निश्‍चित सेवा वा समूहको पहिचानका लागि तोकिएको पोशाक नलगाएको,
• हालसालै खिचेको २.५*३ से.मी साईजको २ प्रति फोटो

१०.  जन्मदर्तामा बाबुको पहिचान नभएको भनी उल्लेख भएमा के-कस्तो कागजात पेश गर्ने

• नयाँ नागरिकता बनाउँदा आवश्यक पर्ने कागजातका अतिरिक्त
• वडा मुचुल्का
• आवश्यकता अनुसार कार्यालयले थप मुचुल्का, प्रमाण-कागजातहरु बुझ्‍न/झिकाउन सक्ने

११. वैवाहिक अंगिकृत नागरिकता बनाउनुपरेमा कुन-कुन कागजात पेश गर्नुपर्दछ ?

• अनुसूची ७ बमोजिमको सम्बन्धित वडा कार्यालयबाट वैवाहिक सम्बन्ध खुलेको ONLINE सिफारिस
• विवाहदर्ता प्रमाणपत्र
• पतिको नेपाली नागरिकता प्रमाणपत्र
• आफू जन्मेको मुलुकको/विदेशी नागरिकता त्यागेको वा त्याग्‍ने कारवाही चलाएको निस्सा/पत्र
• आफु जन्मेको मुलुकको जन्मदर्ता वा जन्म प्रमाणित गर्ने कागजात,
• निवेदक र बाबु/आमाको आधार कार्ड/भोटर कार्ड,
• भिसा लिनुपर्ने मुलुकको/देशको महिला भए नेपाल आउँदा प्रयोग भएको राहदानी र मान्य अवधिको भिसा,
• सनाखत गर्ने (पति, ससुरा, सासु, देवर वा जेठाजु) को नेपाली नागरिकता प्रमाणपत्र
• सनाखत गर्ने व्यक्ति संग नाता खुलेको कागजात / नाता प्रमाणित सक्कल प्रति

१२. गैरआवासिय नागरिकता बनाउँदा कुन-कुन कागजात आवश्यक पर्दछ ?

• अनुसूची ८ ग  बमोजिमको सम्बन्धित वडा कार्यालयबाट सिफारिस,
• निवेदन दिने व्यक्ति वा निजको बाबु वा आमा, बाजे वा बज्यै नेपालको नागरिक रहेको प्रमाण/नेपाली नागरिकताको प्रमाणपत्रको सक्कल प्रति,
• निवेदकले साविकमा नेपालको नागरिकता लिएको भए सो नागरिकता त्याग गरेको प्रमाण,
• विदेशी मुलुकको नागरिकता भएको प्रमाण,
• दक्षिण एशियाली क्षेत्रीय सहयोग संगठनका सदस्य राष्ट्र वाहेकको देशमा बसोवास गरेको प्रमाण,
• नेपालको नागरिकता लिई नागरिकताको प्रमाणपत्र फिर्ता नबुझाएको व्यक्तिले निवेदन दिँदा निजले पहिले लिएको नेपाली नागरिकताको प्रमाणपत्र र नेपाली राहदानी समेत पेश गर्नु पर्नेछ,
• हाल नागरिक रहेको मुलुकबाट लिएको राहदानीको प्रतिलिपी,
• अनुसुची ८ घ बमोजिमको प्रतिवद्धता पत्र,
• अनुसुची ८ च बमोजिमको सपथ,
• वडा/प्रहरी सर्जमिन मुचुल्का,
• अन्य तोकिएको कागजातहरु,
• निवेदकको विदेशी मुलुकको नागरिकता वा राहदानीको बैधताको विषयमा निज नागरिक रहेको मुलुकस्थित वा त्यस्तो मुलुक समेत हेर्ने कार्यक्षेत्र तोकिएको नेपाली कुटनीतिक नियोगसँग बुझ्‍न सकिने,
• तोकिए बमोजिमको आवश्यक कागजात प्राप्त भए पछि आवश्यक सबुद प्रमाण बुझी गैर आवासीय नेपाली नागरिकताको प्रमाणपत्र जारी हुने ।

१३. साविकमा नेपाल रहँदा अन्य जिल्लाबाट नागरिकता बनाई रुकुम (पूर्वी भाग) जिल्लामा बसाईसराई गरी आएको हकमा गैर आवासिय नागरिकता कुन जिल्लाबाट प्राप्त गर्न सकिन्छ ?

• सुरु नागरिकता जारी भएको जिल्लाबाट नेपाली नागरिकताको प्रमाणपत्र त्याग गर्ने
• नेपाली नागरिकता त्याग गरेको निस्सा सहित आएमा रुकुम (पूर्वी भाग) जिल्लाबाट गैरआवसीय नेपाली नागरिकता लिन सकिन्छ ।