न्यून व्यान्डविथ Invert Color A- A A+

नावालक परिचयपत्र

7 महिना अगाडी

2082-05-27


                                          प्रश्न

                                      जवाफ

१. नावालक परिचयपत्र बनाउन व्यक्ति स्वयं उपस्थित हुनुपर्छ कि पर्दैन ?

  • स्वयम् उपस्थित हुनुपर्छ।

२. नावालक परिचयपत्र बनाउन बाबु/आमा उपस्थित हुनु पर्छ किद पर ?

  • बाबु वा आमा साथैमा नभएको अवस्थामा एकाघरको परिवारको सदस्य नागरिकता र नाता प्रमाणित सहित उपस्थित हुनुपर्दछ।

 

३. नावालक परिचयपत्र  बनाउन आउदा सक्कल कागजपत्र लिनु पर्छ कि पर्दैन ?

  • सक्कल कागजात साथमै लिएर आउनुपर्छ ।

४. नावालक परिचयपत्र बनाउदा के-के कागजात आवश्यक पर्दछ ?

  • स्थायी ठेगाना भएको वडा कार्यालयबाट नाबालकको विवरण सहितको फोटो प्रमाणित अनुसूचि र वडा कार्यालयको सिफारिस,
  • जन्मदर्ता प्रमाण पत्र
  • बाबुआमाको नागरिकताको प्रमाण पत्र र संरक्षकको नागरिकता प्रमाण पत्र
  • बसाईसराईको हकमा बसाईसराई दर्ता प्रमाण पत्र र जग्गाधनीको प्रमाण पुर्जा, जग्गाधनी प्रमाण पूर्जा नभएको खण्डमा स्थायी बसोबास प्रमाणित
  • विदेशमा जन्म भएकाको हकमा अस्पतालको जन्म प्रमाणपत्र, One Way Travel Document, राहदानी प्रमाण पत्र (नेपालको समेत जन्मदर्ता हुनुपर्ने)
  • आवश्यकता अनुसार वडा, प्रहरी सर्जमिन मुचुल्का र अदालतबाट नाता कायम
  • बाबुआमाको सम्बन्ध विच्छेद भएको भए अदालतको फैसला र स्थानीय निकायबाट जारी भएको सम्बन्ध विच्छेद प्रमाणपत्र
  • नाबालकको ५ प्रति पासपोर्ट साईजको फोटो
  • बाबुआमाको राहदानी (बाबुआमा विदेशमा भएको भए राहदानी फोटोकपी) निजहरुको राहदानीमा विमानस्थलमा लगाएको छाप भएको पेजको फोटोकपी ।

पछिल्लो अपडेट गरिएको : 2082-12-30 16:58:44

© सर्वाधिकार सुरक्षित जिल्ला प्रशासन कार्यालय, रुकुम (पूर्वी भाग) .