Government of Nepal Logo
Government of Nepal Logo
नेपाल सरकार

गृह मन्त्रालय

जिल्ला प्रशासन कार्यालय, रुकुम - पूर्व

नेपाल सरकार

गृह मन्त्रालय

जिल्ला प्रशासन कार्यालय, रुकुम - पूर्व

न्यून व्यान्डविथ Invert Color A- A A+

कार्यालय परिचय 2075-12-08

जिल्ला प्रशासन कार्यालयको परिचयः

२००७ सालमा प्रजातन्त्रको पादुर्भाव पश्चात चुस्त एवं विकेन्द्रित प्रशासनको आवश्यक्ता महशुस गरी वडा हाकिमहरुको नियुक्ति गरेको पाईन्छ । यसै क्रममा गढी, गौंडा र गोश्वाराको रुपमा गृह प्रशासनको कार्य संचालन भएको थियो । नेपालको संविधान २०१९ अनुसार नेपाललाई १४ अञ्चल, ७५ जिल्ला, ५ विकास क्षेत्रमा विभाजन गरियो । स्थानीय प्रशानलाई विकेन्द्रित प्रशासन व्यवस्था अनुसार सञ्चालन गर्न तथा शान्ति सुरक्षा व्यवस्थालाई प्रभावकारी रुपमा सञ्चालन गर्न स्थानीय प्रशासन ऐन, २०२८ लागू गरियो । उक्त ऐनको दफा ५ ले जिल्लाको सामान्य प्रशासन सञ्चालन गर्न प्रत्येक जिल्लामा जिल्ला प्रशासन कार्यालयको स्थापना भएको थियो । साविक ईलाका प्रशासन कार्यालय रुकुमकोट,  र वि.सं. २०७४ साल देखि नेपाल सरकारको राज्य पुनःसंरचनाको क्रममा स्तरोन्नती भई जिल्ला प्रशासन कार्यालय, रुकुमकोट, रुकुम पूर्व बनेको हो । हाल जिल्ला प्रशासन कार्यालय लगायत सबै कार्यालयहरु रुकुमकोटमा अवस्थित रहेका छन् । यस रुकुम पूर्व जिल्ला नेपालको कान्छो जिल्ला तथा लुम्विनी प्रदेशको एकमात्र हिमाली जिल्ला हो । यस जिल्लामा विभिन्न जातजाती, भेष-भूषा, संस्कृति, चाडपर्व र धार्मिक विविधता रहेको छ । यहाँको जनजीवन भौगोलिक धरातल अनुसार प्रभावित रहेको छ ।

जिल्ला प्रशासन कार्यालयको उद्धेश्यः

जिल्लामा शान्ति सुरक्षा कायम गरी जिउ, धनको संरक्षण गर्नु जिल्ला प्रशासन कार्यालयको प्रमुख उद्धेश्य रही आएको छ । यसका साथै जिल्लामा नेपाल सरकारको प्रतिनिधिको रुपमा रही सार्वजनिक सेवा वितरणलाई प्रभावकारी बनाई सुशासनको प्रत्याभूति गर्ने समेतका उद्धेश्यहरु रहेका छन् ।

जिल्ला प्रशासन कार्यालयको काम, कर्तव्य र अधिकारः

  • जिल्लामा शान्ति सुव्यवस्था र सुरक्षा कायम राख्ने,
  • आन्तरिक सुरक्षा सम्बन्धी नीति, योजना तथा स्थानीय स्तरमा कार्यक्रमको कार्यान्वयन,
  • हातहतियार र खरखजानाको इजाजत सम्बन्धी सिफारिस र नियन्त्रण,
  • विष्फोटक पदार्थ सिफारिस र नियमन,
  • बिदेशी नागरिकको जिल्लामा उपस्थिति र गतिविधिको नियमन,
  • सवारी साधन सञ्चालन सम्बन्धी कानूनको कार्यान्वयन,
  • गैह्रसरकारी संघ संस्था दर्ता, नवीकरण र नियमन,
  • स्थानीय प्रशासनको सञ्चालन, नागरिकता वितरण,
  • बाल कल्याण तथा बाल अधिकारको संरक्षण, भ्रष्टाचार नियन्त्रण,
  • कार्यालय निरीक्षण तथा अनुगमन,
  • कल्याण धन र बेवारिसे धनको व्यवस्थापन,
  • चिट्ठा, जुवा आदिको नियन्त्रण,
  • सार्वजनिक स्थानमा अवाञ्छनिय व्यवहारको रोकथाम, मादक पदार्थ, सार्वजनिक अपराध आदिको नियन्त्रण,
  • विपद् व्यवस्थापन, मुआव्जा निर्धारण तथा वितरण, पुरस्कार तथा सजाय सम्बन्धी कारवाही र सिफारिस,
  • मुआव्जा निर्धारण तथा वितरण,
  • पुरस्कार तथा सजाय सम्बन्धी कारवाही र सिफारिस,
  • जिल्लाभित्र रहेका नेपाल सरकारको सबै सम्पत्तीको रेखदेख, सम्भार तथा मर्मत गर्ने/गराउने,
  • राहदानी वितरण, लागू औषध नियन्त्रण सम्बन्धी कार्य,
  • जिल्लास्थित कारागारको व्यवस्थापन,
  • जिल्लाभित्र बजार अनुगमन, नियमन तथा राहत वितरण,
  • निर्वाचन सम्बन्धी गृह मन्त्रालय र निर्वाचन आयोगको आदेश निर्देशन कार्यान्वयन,
  • जिल्लास्तरमा नेपाल प्रहरी र सशस्त्र प्रहरीको परिचालन र प्रयोग,
  • राष्ट्रिय अनुसन्धानसँगको समन्वय, सूचना सङ्कलन र विश्लेषण,
  • जिल्लामा सञ्चालित विकास निर्माण कार्यमा सहयोग,
  • कानून बमोजिम तोकिए अनुसार विभिन्न मुद्दाको सुरु कारवाही र किनारा गर्ने,
  • सरकारी वा सार्वजनिक जग्गामा घर बनाएमा रोक्का गर्ने र भत्काउने,
  • जिल्लाभित्रको पाटी, पौवा, धारा, कुवा, सत्तल, मन्दिर, धर्मशाला आदिको लगत राख्ने ।


पछिल्लो अपडेट गरिएको : 2078-06-10 06:09:31

© सर्वाधिकार सुरक्षित जिल्ला प्रशासन कार्यालय, रुकुम - पूर्व

Powered By: ProActive Developers